Policia italiane ka vënë në pranga një 55-vjeçar shqiptar. Ai akuzohet për shitje të lëndëve narkotike. Shqiptari u ndalua nga policia ndërsa ishte duke udhëtuar me makinë, ndërsa nuk kishte patentë. Pas kontrollit të mjetit, policia ka gjetur rreth 5 kg hashash, një peshore elektronike dhe 495 euro cash.
Sipas policisë, pasi pa se ishte zënë në ‘kurth’ 55-vjeçari ka tentuar që të shpëtojë duke i dhënë para efektivëve. Megjithatë plani i tij dështoi dhe 55-vjeçarit i është caktuar masa e arrestit në shtëpi teksa pret seancën gjyqësore.
