Inter vazhdon të marrë fitore që po e afrojnë gjithnjë e më shumë me titullin e 20, që do të thotë ylli i dytë në fanellën e tyre. Zikaltrit dolën fitues edhe në fushën e vështirë të Bolonjës, por në qendër të vëmendjes vazhdon të jetë Nicolò Barella. Mesfushori ka dashur të rikthehej në episodin e penalltisë gjatë ndeshjes mes Inter dhe Genoa, akorduar nga Ayroldi.
PENALLTIA E DYSHIMTË
Para Bologna-Inter, zikaltërit kaluan 2-1 në kampionat kuqeblutë e Genoa. Një ndeshje e komplikuar e cila u vendos edhe nga një penallti mjaft e dyshimtë e akorduar për milanezët. Protagonist ishte Nicolò Barella i cili, siç u vu re më pas nga pamjet e VAR-it, ekzagjeroi rënien duke mashtruar arbitrin dhe dhomën e VAR-it.
"KËRKOJ NDJESË POR..."
"Më akuzuan se isha simulator, nuk jam. Qëllimi im nuk ishte të bëja një simulim, por unë gabova në reagimin tim. Kur bën një gabim mund të kërkosh falje dhe e ndjej të kërkoj ndjesë për atë moment. Por kur dëshiron të fitosh, t'i bën gjëra që nuk do t'i bësh. E për këtë arsye unë doja të kërkoja ndjesë".
AUDIO VAR-AYROLDI
E duke qenë se vijon të diskutohet penalltia e dhënë për Inter në në San Siro, vendimtare për fitoren 2-1, është zbuluar edhe dialogu mes VAR dhe arbitrit Ayroldi për atë që ndodhi në fushë. Nga dhoma e videove thirrën arbitrin duke sugjeruar një anulim të mundshëm të penalltisë, por gjetën vendosmërinë e arbitrit Ayroldi: "Kap topin por e merr përpara. Nuk mund të futet kështu, për mua është penallti".
"Për mua kjo është një penallti edhe pse ai prek topin - mund të dëgjohet në audion e luajtur gjatë Open Var në DAZN -. Ai nuk mund të futet kështu," komentoi arbitri drejtpërdrejt nga fusha për ndërhyrjen e Frendrup në zonë. Një vendim i gabuar, siç u shpreh zv/komisioneri i CAN, Dino Tommasi: "Unë do të thosha se ka gabuar. Ndjesia në fushë mund të ishte ajo, por Ayroldi duhej të ishte distancuar prej saj dhe të zbatonte rishikimin në terren. VAR kishte të drejtë që e thirri, por arbitri duhet t'i kishte parë imazhet me mendje të hapur. Në çdo rast është një gabim i dobishëm për rritjen e tij".
