Në ceremoninë e çmimeve “Oscar 2024” skena skandaloze e këtij viti kishte një emër dhe një mbiemër: John Cena. Mundësi dhe aktori, 46 vjeç, u shfaq në skenë, me sa duket krejtësisht i zhveshur, me zarfin e fituesit si një “gjethe fiku” për të mbuluar "xhevahiret" e tij. Por a ishte vërtet Cena krejtësisht lakuriq?
Përgjigja është jo. Mashtrimi i përdorur nga aktori për të shmangur rrezikun e shfaqjes në publik të pubisit dhe të pasmeve të tij në rast se zarfi binte ose lëvizte, ishte veshja e një palë tangave ngjyrë mishi gjatë gjithë kohës së ceremonisë.
Kjo është ajo që të paktën tregojnë prapaskenat. Me pak fjalë, kjo ishte shmangia e rrezikut në rast të një mosfunksionimi të mbulimit të vetëm të tij. Askush nuk e vuri re dhe shfaqja skandaloze rezultoi një sukses i përsosur.
Kur prezantoi fituesin e kategorisë së kostumit më të mirë, Jimmy Kimmel, i kujtoi audiencës një ngjarje të paplanifikuar, e cila ka shkruar historinë e Oscars të vitit 1974.
“Në edicionin e 46-të të Academy Awards, në 1974, David Niven po prezantonte Elizabeth Taylor kur një burrë i zhveshur vrapoi nëpër skenë. A mund ta imagjinoni nëse një burrë lakuriq do të vraponte sot nëpër skenë? A nuk do të ishte çmenduri?" – tha ai.
Në atë moment, ai thirri në skenë John Cena, i cili u shfaq i fshehur pas një kolone. Aktori thoshte se nuk donte të dilte në skenë, se kishte ndërruar mendje dhe nuk donte më të ishte streaker, por pas këtij debati me Jimmy Kimmel, ai prezantoi veten duke mbuluar pjesët intime me zarfin që përmbante emrin e fituesit të statujës për kostumet më të mira.
“Nuk mendoj se mund ta hap”, tha ish-ylli i WWE. Dhe ai bëri të pranishmit të shpërthejnë nga të qeshurat duke thënë: “Kostumet janë shumë të rëndësishme…”. Në atë moment Kimmel e mbuloi me një perde në mënyrë që Cena të hapte zarfin dhe të zbulonte emrin e fituesit. ©LAPSI.al
