Policia e Durrësit raporton një ngjarje të rëndë të ndodhur pak minuta më parë. Sipas të dhënave që japin uniformat blu të këtij qyteti, në lagjen nr. 5, si pasojë e një konflikti janë plagosur me mjete prerëse, vëllezërit M. B., 38 vjeç dhe K. B., 35 vjeç të cilët ndodhen në spital, për ndihmë mjekësore, jashtë rrezikut për jetën.
“Shërbimet e Policisë kanë shkuar menjëherë në vendin e ngjarjes dhe falë veprimeve të shpejta në vendngjarje dhe sigurimit të informacionit, kanë bërë të mundur identifikimin e njërit prej autorëve të dyshuar, shtetasit R. F., 37 vjeç. Vijon intensivisht puna për kapjen e tij.
Ndërkohë, grupi hetimor ndodhet në vendngjarje dhe në drejtimin e Prokurorisë po vijon punën për identifikimin e autorit tjetër, zbardhjen e rrethanave dhe dokumentimin ligjor të rastit” – thuhet në njoftimin e policisë së Durrësit. ©LAPSI.al
