Ka zgjatur rreth një orës seanca për dosjen e Gërdecit. Ish-ministri, Fatmir Mediu nuk ka pranuar të pyetet nga prokurorët e SPAK, duke nënvizuar se do të përgjigjet në fund të procesit, pasi të jenë dëgjuar të gjitha palët e dëshmitarët.
'Po Znj.Gjyqtare pranoj t'u përgjigjem çdo pyetje të prokurorëve apo pyetjeve tuaja, por do ta bëj këtë në fund të këtij procesi, mbasi të jenë dëgjuar gjithë dëshmitarët e palëve dhe të jenë shqyrtuar të gjitha aktet dhe provat shkresore. Përndryshe zhvillimi i seancës së pyetjeve ndaj meje, në këtë moment të procesit do të jetë thjeshtë një akt formal, që nuk i shërben aspak të vërtetës, por thjeshtë statitikës. ', ka thënë Mediu në gjykatë. Mediu u shpreh se nuk ka bëjë asnjë veprim të paligjshëm e se nuk ka asnjë provë që ta implikojë.
