Napoli doli i mundur 3-1 në ndeshjen e dytë të 1/8 të Champions League nga Barcelona dhe i dha lamtumirë kampionatit më të lartë evropian. Pavarësisht paraqitjes së mirë, djemtë e teknikut Calzona nuk ishin në gjendje të marrin më të mirën përballë blaugranave, në një ndeshje gjithmonë në ndjekje. Sidoqoftë, ka edhe italianë që janë gëzuar nga eliminimi i napolitanëve: Juventus buzëqesh teksa, kjo dalje e Napolit nga Champions, e kualifikon matematikisht në Botërorin e Klubeve.
NAPOLI I ELIMINUAR, JUVENTUS FESTON
Napoli është jashtë Champions dhe rrjedhimisht jashtë edicionit të parë të Kupës së Botës së re për Klube që do të nisë në vitin 2025 në SHBA. E është Juventus që feston... Po, sepse pikërisht në sajë të eliminimit të napolitanëve, bardhezinjtë do të hyjnë në kompeticionin e ri të FIFA-s së bashku me Inter.
De Laurentiis kishte premtuar një bonus të madh për ekipin nëse do të arrinin të merrnin kualifikimin për Kupën e Botës. Ato 10 milionë euro gjithësesi do të mbeten në arkën e klubit. Prandaj, Inter dhe Juventus po fluturojnë për në SHBA, duke përjashtuar ankimimet dhe apelimet që tashmë të paralajmëruara nga pronari napolitan...
