Princi Harry dhe Meghan Markle kanë thyer heshtjen e tyre ndaj komenteve të shumta për editimin e fotove të Princeshës së Uellsit.
Ata mohuan lajmin që burimet e afërta me ta kanë bërë komente se si Dukesha e Sussex-it do ta kishte trajtuar një situatë të ngjashme.
Një postim i publikuar në revistën PageSix thoshte: “Burime të afërta me Meghan Markle dhe Princin Harry” duke thënë: “Ky nuk është një gabim që Meghan do të bënte ndonjëherë… Ajo ka një sy të mprehtë dhe vëmendje të frikshme ndaj detajeve.”
Duke folur për Newsweek, zëdhënësi iu drejtua citimeve të publikuara nga gazeta dhe deklaroi se nuk kishte ardhur nga ana e tyre.
Përveç pretendimeve të bëra në lidhje me Meghan që “nuk do ta bënte kurrë të njëjtin gabim”, Page Six publikoi gjithashtu citate nga një burim i brendshëm i cili deklaroi se Sussex-ët “do të ishin asgjësuar” nëse do të kishin publikuar një imazh të modifikuar në mënyrë të ngjashme./Lapsi.al
