Shtyhet për nesër në orën 12:00 seanca e masës së sigurisë për Evis Berberin dhe dy të arrestuarit e tjerë që akuzohen për korrupsion.
SPAK ka sekuestruar ditën e djeshme gjatë kontrolleve në banesat e ish-kreut të ARRSH Evis Berberi dhe dy biznesmenëve Valter Begajt dhe Ervis Lami, celularët dhe pajisje të tjera elektronike.
Në aparatet celulare janë gjetur të gjitha komunikimet me Berberin, Begajn e Brunilda Bulin.
Komunikimet janë kryer kur Berberi ishte në krye të Agjencisë se Eficencës së Energjise dhe ARRSH
Në një nga bisedat Valter Begaj i shkruan Lamit: 20 te Enis, 20 te Berberi! Ndërkohë Ervis Lami i shkruan Brunilda Bulit: Si e keni situatën me corona virusin? Më nis një foto, po bej gati dokumentet për t’u futur në tender, po bëj kontratën.
Drejtori i Përgjithshëm i Autoritetit Rrugor Evis Berberi, është arrestuar me urdhër të Prokurorisë së Posaçme kundër Krimit të Organizuar dhe Korrupsionit. Ai dyshohet për “Korrupsion” dhe “Pastrim parash”. Me dyshimet për të njejtat vepra penale, nën arrest kanë përfunduar po ashtu dhe dy sipërmarrës, të lidhur me të, Valter Begaj, dhe Ervis Lame, ndërsa në gjendje të lirë po ndiqet dhe Brunilda Bulo, bashkëpunëtore e tyre.
Një skemë ku paratë publike dyshohet se kalonin, përmes transakasioneve të ndryshme, në favor të Drejtorit të Përgjithshëm të Autoritetit Rrugor, Evis Berberi, çoi në arrestimin e tij dhe dy sipërmarrësve të përfshirë në këtë skemë. Gjithshka është vërtitur rreth dy kompanive “Net Group” në zotërim të Valter Begajt, ku zoti Berberi ka qenë i punësuar, dhe kompanisë tjetër “Daam”, të blerë më pas nga ky i fundit, prej sipërmarrësit Begaj. Kompania “Daam” u shit më vonë nga zoti Berberi në momentin e angazhimit të tij në strukturat shtetërore, pranë ministrisë së Infrastrukturës dhe Energjisë, kur drejtimin e saj e mori zonja Belinda Balluku.
