Efektivë të policisë së Vlorës si dhe forcat e ndërhyrjes së shpejtë kanë kryer kontrolle në rrethrrotullimin e Skelës përgjatë mbrëmjes të kësaj të shtune. Në fokus të kontrolleve kanë qënë automjetet e shtrenjta, si dhe ato me xhama të zinj, të cilat qarkullojnë në këtë pjesë të Vlorës.
Automjetet po kontrollohen në brendësi të tyre, për të parë për sende të kundraligjshme, si armë zjarri, mjete prerëse thikë, apo edhe sende të forta. Krahas kontrollit që i është ushtruar automjeteve, drejtuesve të tyre ju janë kërkuar edhe dokumentet e identifikimit Mjetet dhe drejtuesit kontrollohen në kuadër të garantimit të sigurisë në qytet.
