Policia sllovene ka sekuestruar një ngarkesë të madhe kokaine, saktësisht 260 kilogramë, në portin e Koperit pak ditë më parë, pasi dy zhytës u panë pranë një anijeje që transportonte sojë nga Amerika e Jugut.
Dy burrat, një shtetas brazilian dhe një shtetas shqiptar, mbërritën në port me jet ski përtej lumit Rizana. Kokaina në tregun e zi kap vlerën e rreth 10 milionë eurove, shkruajnë mediat e huaja.
Nuk është hera e parë që në portin e Koperit kapet një sasi kaq e madhe lënde narkotike, ajo zakonisht gjendet në kontejnerë apo në motorët e anijeve tregtare.
