Tre ditë nga prova e parë miqësore kundër Kilit, tekniku Sylvinho është i shqetësuar për gjendjen e Myrto Uzunit. Beratasi që luan për Granada vuan nga një lodhje muskulare dhe është stërvitur i diferencuar. Sidoqoftë, stafi mjekësor është optimist se 28 vjeçari do të bëhet gati për sfidën e 22 marsit.
Kombëtarja shqiptare zhvilloi seancën e dytë stërvitore në“Shtëpinë e Futbollit”, ku të pranishëm ishin të gjithë lojtarët. Gjatë mbrëmjes së djeshme u bashkua me ekipin edhe Qazim Laçi, ndërsa ditën e sotme ka mbërritur në grumbullim dhe Naser Aliji, i cili është bashkuar menjëherë me skuadrën në stërvitje. Ngarkesën e seancës stërvitore e kanë marrë të plotë të gjithë lojtarët, me përjashtim të Myrto Uzunit. Sulmuesi ka kryer stërvitje të diferencuar në palestër për shkak të lodhjes muskulare.
Lexo më tej: Sylvinho, gjumi i prishur nga Manaj e Broja: 6 nuk janë thirrur e nga lista aktuale duhet të eliminohen edhe tre
Në fakt, të gjithë lojtarët e nisën punën në palestër, përpara se tekniku Sylvinho të provonte disa situata të ndryshme loje dhe ana taktike. Kujdes të madh iu kushtua zgjidhjeve ofensive. Seanca e radhës stërvitore e kuqezinjve do të zhvillohet ditën e nesërme, ndërsa të enjten në mëngjes Kombëtarja do të niset drejt Italisë. Pasdite, në Parma, do të zhvillohet edhe seanca e fundit stërvitore para ndeshjes me Kilin, që do të luhet në stadiumin “Ennio Tardini”, duke nisur nga ora 20:45.
https://www.youtube.com/watch?v=ChuWwy5bATw
