Rreth 260 kilogramë kokainë janë sekuestruar në portin e Koperit më 18 mars, vlera e së cilës në tregun e zi do të arrinte në 10 milionë euro. Për këtë janë arrestuar dy të dyshuar, mes tyre një shqiptar.
“Slovenia Times”shkruan se droga u gjet pasi rojet e detit zbuluan dy zhytës të cilët po përpiqeshin të nxirrnin pesë çanta të mëdha në të cilat ishte fshehur kokaina nga rezervuari i anijes.
Shqiptari dhe një brazilian dyshohet se mbërritën në port përmes lumit Rizhana me skuter uji. Të dyshuarit ndodhen në paraburgim.
