Pas më shumë se 70 vitesh kombëtarja gjermane do të lërë markën gjermane Adidas dhe do të kalojë te amerikania Nike. Lajmi u komunikua nga Federata Gjermane e Futbollit. Bashkëpunimi do të nisë nga janari i 2027 dhe do të zgjasë të paktën deri në 2034. Nike do të veshë të gjithë kombëtaret gjermane.
“Partnertti i ardhshëm do t’i mundësojë Federatës që të vazhdojë të zhvillojë detyrat thelbësore në dhjetëvjeçarin që vjen në këndvështrimin e zhvillimit global të futbollit në Gjermani”, shpjegoi presidenti i Federatës, Bernd Neuendorf. Holger Blask, Presidenti i Këshillit Administrativ të Federatës ndërkohë nënvizoi se “zgjedhja si partner i ardhshëm e Nike është rezultati i një gare transparente dhe jo diskriminuese”.
HISTORIA
Gjermania ka fituar 4 Botërorë dhe 3 Europianë. Në çdo sukses skuadra ka veshur Adidas, (bashkëpunimi mes tyre ka nisur që në 1959), me markën gjermane që ka qenë gjithmonë sponsori teknik i kombëtares. Vendimi për ndryshimin e papritur është eksluzivisht ekonomik. Nike ka prezantuar një ofertë shumë më të lartë në krahasim me markën gjermane që deri në këtë moment i jep Federatës plot 50 milionë euro në vit.
POLEMIKAT
Adidas që në ditët e kaluara krijoi polemika me prezantimin e një prej fanellave që do të përdoren në Europianin e ardhshëm, (me ngjyrë rozë e cila nuk ju ka pëlqyer shumë gjermanëve), nuk e ka pritur aspak mirë këtë vendim, me zëdhënësit e markës gjermane të veshjeve sportive që deklaruan se u informuan vetëm në ditën kur lajmi u publikua nga Federata se kishte arritur një akord të ri me Nike pas përfundimit të marrëveshjes në vitin 2026.
Gjmania do të ndeshet nesër në një ndeshje miqësore me Francën e cila gjithashtu e braktisi pak vite më parë Adidasin në favor të Nike.
