Një alarm për bvombëështë raportuar në Trani të Italisë. Siç raportojnë mediat vendase, rreth orës 6 të mëngjesit të sotëm, në stacionin e trenit është gjetur një shënim brenda një çante, që njoftonte praninë e një bombe në një shkollë të paspecifikuar në qytet.
Për këtë arsye, kryebashkiaku ka urdhëruar mbylljen e shkollave për të shmangur çdo incident.
“Për shkak të një frike me bombë në një shkollë të paspecifikuar, të gjitha shkollat e qytetit të të gjitha niveleve do të qëndrojnë sot të mbyllura”, ka njoftuar kryebashkiaku përmes një postimi në rrjete sociale.
Prania e çantës së vogël, e vënë re nga ata që prisnin trenat, shkaktoi alarmin dhe kontrollet.
