Florian Haçkaj nga "Diaspora për Shqipërinë e Lirë" deklaroi se shqiptarët kudo në botë përbëjnë më shumë se 40 përqind të popullsisë totale. Ai shtoi se duhet vetëm vullnet, që vota e emigrantëve të kthehet në një realitet.
Por, sipas Haçkajt, nuk duhet përdorur Posta Shqiptare, sepse ekziston frika se mund të përdoret nga maxhoranca.
“Diaspora përbën më shumë se 40 përqind të popullatës, prandaj edhe nuk e miratojnë. KQZ duhet të hapë një portal, ku unë që jetoj në diasporë regjistroj emrin tim. Është fare e thjeshtë, janë procedura që ndiqen në të gjithë botën.
Ne nuk duam që zgjedhjet në diasporë të bëhen nga Posta Shqiptare, sepse ne kemi frikë se përdoret nga maxhoranca. Ne duam që votimi të bëhet me postë private. Duhet vetëm vullnet, pasi gjithçka tjetër është e zgjidhshme”, u shpreh Hackaj në një lidhje me Skype në rubrikën Opinion në News24.
