Nga njëra anë lëvizjet hyrëse, me vëmendjen te Koopmeiners të Atalantës dhe Ferguson të Bolonjës, nga ana tjetër disa sakrifica të nevojshme. Lëvizje të pashmangshme për t'i dhënë frymëmarrje arkës së Juventus dhe për të lejuar lëvizjet në merkato. Bardhezinjtë janë në mes inisiative rinovimi që, ende nuk dihet, ndoshta do të përfshijë edhe një ndryshim në pankinë. Ndërkohë, megjithatë, Juventus nuk duhet të qendrojë i qetë sepse, siç shkruan Corriere dello Sport, gazetat angleze e kanë vendosur Gleison Bremer në faqen e parë nën emrin Manchester United.
Braziliani ka një klauzolë lirimi në kontratën e tij, që u fut në momentin e rinovimit, që e liron për 60 milionë euro, nga të cilat 10% shkojnë për Torinon. Sipas Fabrizio Romano klauzola mund të aktivizohet në vitin 2025, por ka dhe një marrëveshje mbi fjalën mes klubit dhe lojtarit për të pranuar një shifër identike. Një shifër e rëndësishme të cilën, megjithatë, mund ta përballojnë pa probleme në Premier League dhe që në fakt United (por edhe Neëcastle) do të ishin gati ta vinin në tryezën e bisedimeve me Juventus.
JO VETËM BREMER
Juventus që, përveçse nuk do të mund të kundërshtonte transferimin e mundshëm, do ta pranonte me kënaqësi “propozimin”. Bardhezinjtë do të rigjallëronin llogaritë dhe do të kishin paratë e nevojshme për të ristrukturuar skuadrën. Nisur nga mesfusha, një repart që njihet si më i dobëti. Por jo vetëm kaq, sepse ashtu si vitin e kaluar, pozicioni i Vlahovic (dhe gjithashtu Chiesa këtë herë) është larg të qenit solid.
Ndërkohë, duke bërë një hap të shpejtë mbrapa, nëse Bremer do të largohej për 60 milionë (siç u përmend 55 te Juve, të tjerat te Toro), bilanci do të përfundonte me një fitim kapital të konsiderueshëm prej 30 milionë (vlera aktuale e brazilianit është 25 milionë). Nëse, në fakt, do të mbërrinin oferta të rëndësishme për një mes Vlahovic ose Chiesa, llogaritë e Juventusit mund të kishin një hapësirë më të gjerë dhe Giuntoli do të kishte mundësinë të punonte në merkato pa shumë pengesa.
Lexo më tej: Juventus, tenton goditjen e madhe në mesfushë: vëzhguesit bardhezinj në Olimpico për Goretzka
Por ky është një hap i mëtejshëm që duhet shtyrë deri në verën e ardhshme. Për momentin e sigurt është se Bremer, shtylla e mbrojtjes së Max Allegri, mund të jetë ai që sakrifikohet nga skuadra për të mbledhur para. Bashkë me të, të paktën edhe një nga lojtarët e rinj (nga Huijsen te Soulé duke kaluar te Yildiz). Pastaj do të mendohet për hyrjet. Me pak fjalë, vera duket se mund të jetë vërtet e nxehtë.
