"Pa fitore? Jo pa fitore se ne kemi fituar ne Kupë por në kampionat le të themi. Filluam një ndeshje shumë të mirë, goditëm që ne fillim, është një rezultat i mirë dhe një fitore që na kënaq”. Edlir Tetova mundohet ti japë kuptimin që nuk ka serisë pa fitore në kampionat, ku nuk fitonte prej 7 javësh përpara se të mundte 1-0 Kukësin. E megjithatë edhe kundër vendit të fundit Egnatia kishte nevojë për kurthe: “Po stërvit ekipin për kundërshtarin e radhës, duke marrë pikët që të na shërbejnë për “Final 4”, e mbajta ekipin 70 metra e poshtë. Kukësi kërkonte 3 pikëshin edhe sot, edhe kjo e bëri të binte në grackën tone”.
Një replikë pastaj me Devollin për vonesat e lojës, edhe pse në fakt Kukësi nuk është se bëri shumë në aspektin ofensiv: “Vonesa loje? Jo nuk besoj, aty ku ka pasur kontakte ka pasur faulle. Ne na kanë futur topat ne fushë në finale, si është kjo vonese loje!? Konstatimi i Devollit nuk është i drejtë”, the Tetova.
Lexo më tej: Video/ Fitorja e parë pas dy muajsh, Zejnullai thyen tersin: Kukësi rrëzohet në Rrogozhinën e fatit
Frika është e gjitha në mundësinë e fundit të Fejzaj, ku Sherri shpëtoi rezultatin: “Me rastin në fund mund ta kishim paguar, mua më intereson që ekipi im të prodhojë raste, të shkojë te porta. Kjo është ajo e cila më intereson”, tha Tetova.
DEVOLLI: “VETËM SHTRIHU, VONO… VONO”
“Gjithmonë humbja është e dhimbshme, ajo që nuk më pëlqeu sot është se nuk ramë asnjëherë në 90 minuta era ekip, u bëmë shumë të vegjël. Nuk sakrifikuam, vrapuam, apo dubluam si kemi bërë në ndeshjet e kaluara. Kur nuk i bën, bëhesh shumë i vogël ndaj kundërshtarit”. Bledar Devolli ka kritika të forta për eki9pin, për prezantimin në Rrogozhinë. Tekniku i Kukësi e ka më shumë se për humbjen 1-0 me Egnatian e ka me mënyrën si u sollën të tijtë në fushë: “E kishim përgatitur ndryshe, goli i shpejtë na prishi anën psikologjike se ndoshta ekipi ra. As dëshirë nuk pashë sot, rregull nuk bëhej fjalë që kishim sot, por janë edhe 7 ndeshje. Do i shohim që të ndryshojmë patjetër fytyrë, duke filluar që nga Kupa”.
Tekniku i Kukësit sulmoi edhe kundërshtarin, duke e krahasuar lojën e bërë për nivele inferior: “Pastaj tjetra që nuk më pëlqeu, nuk kishte lojë efektive, nuk ka mundësi që ndeshje Superiore duket si ndeshje e Kategorisë së Dytë, pa lojë efektive, vetëm shtrihu, vono, vono, vono… Pastaj bie dëshira”. “Po të shohësh edhe Egnatia kishte presion, se e kemi kapur tre herë topin. Për kaq gjë luhet, po nuk u tregove agresive… nëse njëri shkonte gol, do flisnim ndryshe pas ndeshjes. Ishim nën presion dhe dukeshin”.
