Në prag të provave të para të lira të fundjavës së Formula 1 në Japoni, e planifikuar për në Suzuka, mbërrijnë fjalët e protagonistëve. Max Verstappen, pas tërheqjes së bujshme në Melburn, u shfaq gjithësesi i qetë: “Nuk mendoj se do të ndodhë më, që nga provat e lira në Australi ndjeva disa sinjale jo pozitive”. Në lidhje me të ardhmen, piloti holandez i Red Bull, provokoi me shaka: “Zërat mbi Aston Martin? Nuk e di nëse do të garoj sezonin e ardhshëm”.
PARALAJMËRIMI "ME SHAKA" I VERSTAPPEN
Një dëshirë e madhe për shpengim për Max Verstappen, i cili foli në konferencën për shtyp në prag të fundjavës së Formula 1 në Japoni. Kampioni i trefishtë i Botës tha se ishte i qetë për problemet e besueshmërisë së Red Bull: “Nuk mendoj se problemi i fundjavës së kaluar do të përsëritet. Në Australi e kuptova që në fazat e hershme se kishte diçka që nuk shkonte. Ne do të përpiqemi të kuptojmë se çfarë ndodhi për ta zgjidhur".
"Më pëlqen Japonia, erdha këtu direkt pas Grand Prix të fundit - zbuloi piloti -. Kjo pistë është shumë e rëndësishme për mua, dy vite më parë u kurorëzova kampion bote, për herë të dytë, pikërisht këtu. Është një nga cirkuitet më të bukura dhe më të vështira. Herën e parë të frikëson, sektori i parë bën diferencën. Nëse ke një makinë të ekuilibruar është më e bukura, nëse nuk ke një makinë të mirë, mund të përplasesh lehtësisht".
Lexo më tej: F1/ Verstappen jashtë në Australi, dy vjet nga hera e fundit: "Frenat e bllokuara, por mund të ndodhë"
Talenti holandez më pas bëri shaka edhe për të ardhmen, pas thashethemeve për kalimin e tij të mundshëm te Aston Martin: “As nuk e di nëse do të garoj në Formula 1 vitin e ardhshëm, kam kontratë me Red Bull deri në vitin 2028. Së pari unë duhet të kuptoj nëse ende dua të drejtoj një Red Bull, apo në përgjithësi nëse dua të ngas akoma në Formula 1. Nuk e di të ardhmen time, tani për tani jam shumë i lumtur kështu".
