Një sherr brutal është regjistruar gjatë ditës së sotme në Shkodër. Dy të rinj kanë debatuar për motive të dobëta. Më pas konflikti ka agravuar në përdorimin e dhunës fizike dhe mjeteve të forta. Një 23-vjeçar, banues në Vaun e Dejës, ra në pranga, pasi dyshohet se për motive të dobëta ka goditur me send të fortë një 24-vjeçar dhe ka thyer xhamin e automjetit të tij.
Njoftimi i policisë:
Vihet në pranga një 23-vjeçar pasi ka goditur me sende të forta një 24-vjeçar dhe i ka thyer xhamin e automjetit. Gjithashtu, në zbatim të planit të masave në kuadër të megaoperacionit “Sundimi i ligjit, shërbimet e Komisariatit të Policisë Vau i Dejës arrestuan shtetasin A. D., 23 vjeç, banues në Vaun e Dejës, pasi dyshohet se për motive të dobëta, ka goditur me send të fortë një 24-vjeçar dhe ka thyer xhamin e automjetit të tij.
Gjykata e Shkallës së Parë e Juridiksionit të Përgjithshëm Shkodër caktoi ndaj tij masën e sigurisë “Arrest në burg”. për veprat penale “Dëmtime të tjera me dashje” dhe “Shkatërrimi i pronës”.
