Shërbimi Meteorologjik Ushtarak bëri të ditur se ditën e mërkurë vendi ynë do të vijojë të ketë kushte atmosferike të qëndrueshme. Moti parashikohet i kthjellët si dhe vranësira të pakta kalimtare kryesisht të larta dhe transparente. Do të ketë mjegull/mjegullinë në zonat luginore në orët e mëngjesit.
Era do të fryjë me drejtim juglindje – veriperëndim me shpejtësi mesatare 1-4 m/sek. Përgjatë vijës bregdetare era fiton shpejtësi deri 5-8 m/sek shoqëruar me valëzimin në dete të forcës 1-2 ballë.
