Sam Taylor-Johnson thotë se njerëzit që kritikojnë marrëdhënien e saj me Aaron Taylor-Johnson janë persona "abuzues" të cilët janë "të mërzitur" me jetën e tyre.
Regjisorja e njohur 57-vjeçare – e cila është 23 vjet më e madhe se bashkëshorti i saj aktor, 33 vjeç – tha në një intervistë të re se diferenca e tyre e shumëpërfolur e moshës “asnjëherë” nuk shfaqet në martesën e tyre. Ajo gjithashtu vuri në dukje se marrëdhënia e tyre tashmë ka zgjatur më shumë se martesa e saj e parë me tregtarin e artit Jay Jopling, 60 vjeç, me të cilin ishte e martuar nga viti 1997 deri në 2008.
“Pra, nëse e mendoni në atë mënyrë, atëherë hendeku në moshë nuk bën ndonjë ndryshim”, tha ajo. Sam foli gjithashtu sinqerisht për raportin e saj me njerëz "abuzues" në internet, të cilët kanë qenë kritikë për romancën me Aaron, të cilin e takoi në xhirimet e filmit të saj të vitit 2009, "Nowhere Boy".
"Është thjesht atje, por nuk do të thotë asgjë," u shpreh Johnson për komentet e mediave sociale “Janë vetëm njerëzit të mërzitur,me dyshime për jetën e tyre,” vazhdoi ajo, duke vënë në dukje se fëmijët e saj nuk duket se “ndikohen” nga kritikat. “Ata shohin dy prindër të dashur e të lumtur. Thjesht mendojnë se njerëzit janë pak të poshtër ose të çmendur.”
