Kukësi i vendit të fundit tregoi më shumë e zemër, e madje edhe kualitet, se Tirana në Arenën kombëtare. Bardheblutë fituan vërtetë ndeshjen, por pasi Kukësit iu mohua një penallti e goditi dy traversa në dy minuta, para golit të Abazaj. Pikërisht pas këtij momenti, që afron Tiranën me objektivin Final Four, Goldi Halili, drejtore e klubit, është shfaqur e përlotur në stadium.
Lot që, në fakt, nuk kanë bindur e nuk kanë prekur askënd nga tifozët bardheblu, që e konsiderojnë familjen Halili, fajtore për gjendjen e skuadrës dhe problemet e krijuara nga vendimet e tyre. Kështu, ndërsa Goldi "lotonte" në tribunë, lojtarët e Tiranës janë përballur me tërbimin e tifozëve kur u drejtuan tek ata për t'i përshëndetur. Në vend të duartrokitjeve lojtarët morën një lumë sharjesh e kritikash.
Përgjoni e Abazaj menduan të zbusnin situatën duke i hedhur fanellën tifozëve, por ata ia kthyen mbrapsht. Nga tribunat dëgjohedhin vetëm sharjet në adresë të ekipit që, sipas tifozëve, nuk ka qenë në lartësinë e duhur në këtë sezon, e veçanërisht në këtë ndeshje.
https://www.reddit.com/r/soccer/comments/1c33x1d/abazaj_goal/?utm_source=share&utm_medium=mweb3x&utm_name=post_embed&utm_term=1&utm_content=1
