E bujshme ajo që ndodh në javën e 33 të Premier League. Liverpool humbet 1-0 në Anfield kundër Crystal Palace dhe zbret në vendin e dytë, me City në krye e në pritje të Arsenal-Aston Villa. Pas humbjes ndaj Atalanta në Europa League, skuadra e Klopp pësoi një tjetër disfatë. Eze ekzaltoi Eagles në minutën e 14'. Sukses jashtë fushe edhe për Fulham, fitues 2-0 ndaj West Ham me një dygolësh nga Pereira. Vetëm minutat shtesë për Brojën, që mori vendin e Muniz në minutën e 90'.
LIVERPOOL-CRYSTAL PALACE 0-1
Rreziku është që në harkun e dhjetë ditëve Liverpool mund të shkatërrojë gjithcka të mirë që ka bërë në gjashtë muaj. Sepse nëse humbja 3-0 kundër Atalantës i mban Reds më shumë jashtë sesa brenda Europa League, humbja 1-0 kundër Crystal Palace, përsëri në Anfield, kundër Crystal Palace mund të komprometojë gjithashtu titullin e Premier League. Kështu, Klopp rrezikon që, në vitin e tij të fundit në pankinën e Reds, të fitojë “vetëm” Carabao Cup.
Lexo më tej: Video/ Manchester City rimerr kreun e Premier League: pesë gola edhe pa Rodri e Foden
Që nuk ishte dita e duhur u pa në minutën e 14', kur Eze i dha epërsinë Eagles, në sugjerimin e Mitchell. Vendasit ishin edhe të pafat, pasi në minutën e 27' Endo goditi traversën dhe Salah dhe Luis Diaz u përplasën me një super Henderson. Në pjesën e dytë, Klopp hodhi në fushë Szoboszlai dhe Alexander-Arnold për Endo dhe Bradley, ndërsa në mes të pjesës së dytë Jota dhe Gakpo zëvendësuan Diaz dhe Nunez. Skenari, megjithatë, nuk ndryshoi: Henderson ruajti portën e pastër. Kështu përfundoi me suksesin e Crystal Palace, që ngjitet në 33 pikë dhe hipotekon shpëtimin. Reds nuk arrijnë të qëndrojnë në krye të renditjes dhe tani mund të fluturojë edhe mundësia e titullit në Premier League.
WEST HAM-FULHAM 0-2
Andreas Pereira ishti protagonisti absolut i West Ham-Fulham, i cili përfundon 2-0 për Cottagers falë dygolëshit të brazilianit. Goli i parë u shënua në minutën e 9', ndërsa goli i dytë në minutën e 72'. Në mes, goditja e Coufal që shkoi ngjitur me shtyllën, ndërsa në krahun tjetër Willian dhe Muniz u ndaluan nga Fabianski. Pas golit të dytë, megjithatë, nuk pati më lojë. Hammers humbasin 2-0 në Premier League pasi morën të njëjtin rezultat në Europa League kundër Leverkusen. Duke u ngjitur në 42 pikë, Fulham fiton matematikisht shpëtimin.
