Një emigrant nga vendet e Lindjes është gjetur i pajetë gjatë orëve të para të mëngjesit të sotëm në fshatin Drenovë të Korçës.
Trupi i emigrantit u konstatua nga banorët e fshatit të cilët njoftuan policinë. Ekspertët mjeko-ligjorë që këqyren trupin nuk konstatuan shenja dhune. Paraprakisht, dyshohet që emigranti i moshës 25 vjeç të ketë humbur jetën për shkaqe natyrore.
Territori mbi fshatin Drenovë shpesh shërben si shteg kalimi për emigrantët e vendeve të Lindjes ,të cilët hynë në territorin tonë nga Greqia duke udhëtuar në këmbë nga zona e Dardhës dhe Arrzës.
