Partia Demokratike zyrtare ka kallëzuar në SPAK kryeparlamentaren Lindita Nikolla për veprën penale të shpërdorimit të detyrës në bashkëpunim.
Kallëzimi i Lulzim Bashës vjen pasi Nikolla ka reflektuar kërkesën e Bardhit për kthimin në grupin e PD-së të deputetëve të përjashtuar nga Basha.
“Ka cënuar në mënyrë të vazhdueshme funksionimin e grupit parlamentar të PD duke mos zbatuar vendimet për kryetarin dhe kryesinë e grupit, duke shkarkuar dhe zgjidhur marrëdhëniet e punë ndërmjet grupit dhe këshilltarëve të tij, duke pezulluar në periudhën tetot-mars të gjithë veprimtarinë administrative dhe parlamentare të grupit, duke njohur si kryetar grupi deputetët të cilët me vendim të organeve drejtuese të partisë nuk janë pjesë e saj.
Zbatimi i kërkesave apo njoftimeve të deputetëve të caktuar, të cilët nuk janë pjesë e PD dhe e grupit të saj parlamentar, duke deformuar vullnetin politik të PD, përbëjnë sjellje me dashje”, shkruhet në kallëzim.
