Sydney Sweeney iu përgjigj komenteve të producentes, Carol Baum, rreth pamjes dhe aktrimit të saj.
Baum, bëri komente kritike për Sweeney gjatë një diskutimi me kritiken e filmit të The New York Times, Janet Maslin në Pleasantville, Nju Jork.
"Sa e trishtueshme që një grua në pozicionin për të ndarë ekspertizën dhe përvojën e saj zgjedh të sulmojë një grua tjetër," tha një përfaqësuese e Sweeneynë një deklaratë për PEOPLE. "Nëse kjo është ajo që ajo ka mësuar në dekadat e saj në industri dhe mendon se është e përshtatshme për t'u mësuar studentëve të saj, kjo është e turpshme. Të përçmosh padrejtësisht një kolege producente femër flet shumë për karakterin e zonjës Baum.”
Sweeney kohët e fundit prodhoi dhe luajti në hitin "Anyone But You" dhe në filmin horror "Immaculate". Komentet e Baum diskutuan hitin e fundit të komedisë romantike të aktores.
“Ka një aktore që të gjithë e duan tani: Sydney Sweeney. Unë nuk e kuptoj Sydney Sweeney. Po shikoja në avion filmin e Sydney Sweeney-t [Anyone but You] sepse doja ta shikoja. Doja të dija se kush është ajo dhe pse të gjithë po flasin për të. E pashë këtë film të pashikueshëm – më vjen keq për njerëzit që e duan këtë … komedi romantike ku e urrejnë njëri-tjetrin”, tha Baum, sipas Daily Mail.
Producentja, e cila është gjithashtu një profesore ndihmëse e Universitetit të Kalifornisë Jugore, tha se ajo foli për Sweeney me klasën e saj.
“I thashë klasës sime: ‘Më shpjegoni këtë vajzë. Ajo nuk është e bukur, nuk mund të aktrojë. Pse është kaq e pëlqyer?’ Askush nuk kishte përgjigje”, shtoi ajo.
Carol thuhet se i tha TMZ se i vjen keq për komentet e saj origjinale dhe shpjegoi se zakonisht nuk flet negativisht për një aktor të tillë./Lapsi.al
