“Janë 3 pikë të rëndësishme, ata humbën një penallti dhe fati ishte me ne sot. Reaguam shumë mirë duke kontrolluar ndeshjen dhe shënuar golin e dytë". Erbim Fagu i gëzohet pikëve, edhe pse e di se ka shumë punë përpara, me misionin kupë, ku duhet rikuperuar humbja me Kukësin dhe pastaj derbi me Partizanin. "Besoj që po, kemi besim për të kaluar në finale pasi kemi lojtarë me ekspericencë. Do të japim maksimumin në ndeshje për të fituar dhe kualifikuar në finalen e Kupës", premtoi Fagu.
Ndoshta mund të humbasësh kampionatin, por jo derbin me Partizanin: kjo është filozofia e tifozëve të Tiranës dhe Fagu e di mirë: "Është ndeshje derbi, nuk mund tja gjesh rezultatin, do bëjmë maksimumin për të fituar, ai është objektivi ynë, do jetë e luftuar dhe për të vazhduar rrugën për në “Final Four”. Dy gola janë shumë por edhe pak me Kukësin, shpresojmë ta zgjidhim sa më shpejt atë ndeshje. Sdo kem gjumë deri pas të mërkurës”.
DELIALLISI: "NUK E DI SI MUND TË HUMBET AI RAST"
“Nuk e di personalisht se si mund të humbet ai rast nga 5 metra, më duket e pamundur. Pastaj mënyra se si e pësojmë golin nga hiçi me një brishtësi. Pastaj pjesa e dytë që humbëm penalltinë. Normal gjëra që ndodhin por ndikojnë në mentalitetin dhe psikologjinë e lojtarëve. Më pas kur kundërshtari të godet përsëri, aty mbaron historia". Alfred Deliallisi është i dëshpëruar, me Erzenin gjithnjë e më pranë rënies nga kategoria. Tekniku e ka me Migone, që humbi një mundësi të artë para portës.
Lexo më tej: Video/ Tirana e katërta, presion para derbit: penalltia e Abazajt e supergoli i Jonuzit fundosin Erzenin
Tani, sidoqoftë, mbijetesa është kompromentuar rëndë: "Është e vështirë, pothuajse e pamundur. Ne kemi pishmanet tona. Lojtarët që erdhën në janar nuk u përshtatën me ekipin. Jemi me të njëjtit lojtar. Zëvendësimet nuk është se rrisin rendimentin ose volumin e lojës. Edhe sot i bëra dhe nuk ndryshoi asgjë”, tha Deliallisi.
