Me golat e Trossard dhe Odegaard, Arsenal rimori vendin e parë të përkohshëm në Premier League. Gunners mposhti Wolverhampton 2-0 në javën e 34 të kampionatit. Skuadra e teknikut Arteta dominoi dhe kontrolloi ndeshjen, duke thyer ngërçin në minutën e 45' me golin e belgut dhe duke e mbyllur në minutën e 95' me norvegjezin. Në luftën për mbijetesë, Brentford e futi Luton Town në krizë me një fitore 5-1 jashtë fushe. E tani Burnley i afrohet Hatters falë një fitoreje 4-1 ndaj Sheffield.
WOLVERHAMPTON-ARSENAL 0-2
Arsenal i rikthehet suksesit (pas dy humbjeve radhazi mes kampionatit dhe Champions League), duke mbizotëruar 2-0 në fushën e Wolves. Londinezët nisën menjëherë në presing, me Kai Havertz që u përpoq të shqetësojë José Sá që në minutën e parë. Gunners punojnë shumë në krahun e djathtë, duke u përpjekur të nxisin disa herë krijimtarinë e Saka. Kur skuadra e O'Neil filloi të shfaqej përpara në fund të pjesës së parë, Arsenal goditi. Gabriel Jesus luftoi brenda zonës së kundërshtarit dhe shërbeu për Trossard, që shënoi avantazhin. 1-0 në minutën e 45', rezultat me të cilin dy skuadrat shkuan në dhomat e zhveshjes.
Lexo më tej: Video/ Arsenal 'përgjumet', Kimmich i ndëshkon: Bayern Munich fluturon në gjysmëfinale të Champions
Në fillimin e pjesës së dytë gjërat nuk ndryshuan, me Gunners që pushtuan gjysmën e fushës së kundërshtarit. Portokallinjtë u mbrojtën në çdo mënyrë, madje u përpoqën të shtynin përpara pas minutës së 75', në kërkim të një barazimi të papritur. Arsenal megjithatë e mbyllen përfundimisht çështjen falë golit me të majtën e Odegaard, nga një kënd shumë i ngushtë, në minutën e 95'. Arsenal fitoi 2-0 dhe ngjitet në kuotën e 74 pikëve në renditje, në krye të Premier League. Gunners janë +1 ndaj Manchester City (që megjithatë ka një ndeshje më pak). Wolverhampton ka ngecur në 43 pikë, në vendin e njëmbëdhjetë.
Premier League England
Luton Town 1-5 Brentford
Sheffield United 1-4 Burnley
Wolves 0-2 Arsenal
