Kukësi bën mrekullinë dhe kualifikohet në finalen e Kupës së Shqipërisë për herë të 5-të në histori. Një humbje e ëmbël ajo 1-0 që skuadra e Bledar Devollit pësoi në gjysmëfinalen e kthimit me Tiranën në Arena Kombëtare. Verilindorët kualifikohen në finale falë 2-0 së ndeshjes së parë, që e flak skuadrën bardheblu nga njëri objektiv.
Lexo më tej: Kukësi i vendit të fundit sheh finalen: 2-0 shokuese ndaj Tiranës me golat e Mingo e Solodovnikov
Tirana në fakt e ka mposhtur Kukësin me rezultatin minimal 1-0, në ndeshjen e kthimit, por kaq nuk mjafton. Duheshin rikuperuar dy gola për të vendosur barazpeshën, që Tirana nuk i shënoi dot. E pra kur Deliu shënoi në minutën e 17′ falë një goditje standarte u duk një mission i arritshëm. Pavarësisht tentativave, megjithatë, kryeqytetasit mbetën të gozhduar në një fitore që nuk mjaftonte.
Kukësi mund të kishte mbyllur llogarinë kur Salami goditi traversën, por kjo vetëm sa shtoi drithërimat e minutave të fundit. Kukësi është në finalen e Kupës së Shqipërisë, edhe pse askush nuk e priste. Një arritje titanike, me verilindorët që kanë rënë tashmë nga kategoria, por janë në mënyrë paradoksale një hap larg trofeut dhe Europës. Për Fagun vetëm zhgënjim, ndërsa Devolli festoon në fund të një ndeshje për zemrat e forta…
