Policia e Brukselit po kërkon informacione më të hollësishme nga policia shqiptare lidhur më ngjarjen e ndodhur në Schaarbeek ku mbeti i plagosur 44 vjecari nga Mirdita Agustin Kaza.
Hetuesit po e lidhin ngjarjen në fjalë me një hasmëri të vjeter që familja Kaza ka me familjën Gjini.
Lidhur më këtë rast drejtoria vendore ka nisur nje aksion lidhur me gjetjen e personave të familjes Gjini.
Nga verifikimet e kryera në Mirditë ka rezultuar se asnjeri prej personave të kesaj familje nuk ndodhen në Rrëshen apo përreth saj, por janë identifikuar më banim në zonën e Lezhës dhe Talës.
Me qëllim parandalimin e ngjarjeve të mundshme kriminale dhe ndalimin e sagës së gjakmarrjes policia ka angazhuar forcat e FNSH për kontrolle me shpeshta në zonat ku jetojne anëtarët e familjës Gjini.
Saga e gjakmarrjes ka nisur në vitin 1994 ku në Rreshen u vra Shefi i Krimeve Ndue Kaza.
Sipas shtypit të asaj kohe si autor policia ka identifikuar Dod Gjinin.
Por 3 vite pas kësaj ngjarje dhe pa marrveshje mes familjeve për një pajtim vëllai i komisarit të vrarë mori hak duke vrarë dy vëllezërit Dod dhe Agustim Gjini.
Vëllai i komisarit Martin Kaza u dënua nga gjykata me 22 vite burg, por ai arriti të arratiset duke jetuar në Londër.
Sipas raportimve personi i qëlluar në Bruksel rezulton të jetë vëllai i Martinit.
