Vendi ynë parashikohet të ndikohet nga kushte atmosferike të paqëndrueshme. Moti do të jetë me vranësira e alternime kthjellimesh të herëpasherëshme deri në orët e mesditës.
Reshjet e shiut parashikohet që të jenë prezente që në orët e para të ditës në pjesën më të madhe të territorit. Përgjatë vijës bregdetare e hera – herës përgjatë Ultësirës Perëndimore reshjet pritet të jenë me intensitet deri mesatar. Pas orëve të mesditës intensiteti i reshjeve pritet të jetë i ulët.
Era do të fryjë me drejtim juglindje – jugperëndim me shpejtësi mesatare 8m/sek, nërsa përgjatë vijës bregdetare e lugina era fiton shpejtësi 10-12m/sek, duke bërë që valëzimi në detet Adriatik dhe Jon të jetë i ulët i forcës 1-2 ballë.
Temperaturat parashikohen:
- në zonat malore 7 deri 20°C
- në zonat e ulëta 10 deri 28°C
- në zonat bregdetare 13 deri 25°C.
