Fillimisht një përshëndetje naziste me krahun lart, pastaj gjesti dhe klithja e majmunit. Kjo është sekuenca e veprimeve të kryera nga një tifoz i Atalantës gjatë ndeshjes së parë gjysmëfinale të Europa League ndërmjet Marseille dhe bergamaskëve, që përfundoi 1-1. Tifozi zikaltër u pikas në tribunat e Vélodrome nga kamerat e sigurisë dhe u ndalua menjëherë nga policia franceze. Ai u dërgua menjëherë në gjyq, siç shpjegohet nga prefekti i rajonit të Marsejës.
“Autori është ndaluar, është vënë në gjendje arresti dhe do të dalë para gjykatësit”, sqaroi prefekti, në rrjetet sociale. Në fakt, ai i ishte drejtuar prefektit të Republikës për një ekzaminim të menjëhershëm të ngjarjeve pas shpërndarjes në rrjetet sociale të imazheve me tifozë të Atalantës me krahët e shtrirë ose duke imituar lëvizjet e majmunit.
Lexo më tej: Video/ Leverkusen i pamposhtur edhe në Romë, Alonso drejt finales: Gjimshiti e Atalanta 1-1 në Marsejë
“Unë dënoj qartë sjelljen e disa tifozëve italianë gjatë ndeshjes OM-Atalanta. Kjo është e patolerueshme dhe e padenjë. Nuk ka vend për racizëm në stadium, as jashtë - shpjegoi kryetari i bashkisë së qytetit mesdhetar Benoit Payan në rrjetet sociale në X. Reagimit të tij iu shtuan edhe fjalët e Kryetarit të Këshillit Rajonal Renaud Muselier: “Uefa e drejtësia duhet të tregohen të ashpër përballë sjelljeve të tilla: Marseja e rajoni i Jugut luftojnë gjithnjë kundër racizmit, nga do që të vijë!".
