Konfliktet në çift kishin muaj që kishin nisur dhe praktikisht çifti ishte i ndarë pasi martesa nuk konsumohej më dhe Ergys Arrazi kishte nisur një marrëdhënie tjetër. Top Channel raporton në një shkrim në faqen e tij online se sipas familjarëve të gruas së tij Alma Arrazi, ai grindej çdo ditë me të dhe i thoshte të dilte nga shtëpia ku ajo jetonte në një dhomë tjetër dhe ku flinte me fëmijët.
Sipas të njëjtave burime i pyetur në polici, ditën kur denoncoi zhdukjen e bashkëshortes, por edhe më vonë pas gjetjes së trupit të së bijës ai e ka cilësuar bashkëshorten “të sëmurë mendore” dhe sipas tij kishte muaj që trajtohej me ilaçe depresioni. Kjo dëshmi nuk është verifikuar ende nga policia, pasi ende nuk është gjetur ndonjë kartelë e 39-vjeçares apo ndonjë mjek që t’i ketë lëshuar recetë për këto medikamente.
Duket se gruaja ka qenë e vetme në këtë situatë pasi edhe pas zhdukjes së saj e vetmja që ka treguar interes ka qenë e motra ndërsa vëllai dhe të afërmit e tjerë nuk janë interesuar në polici dhe nuk i janë përgjigjur kërkesës për t’u pyetur si persona që kanë dijeni për ngjarjen.
Prej 3 majit, 39-vjeçarja është zhdukur dhe vetëm mbrëmjen e së shtunës u gjet në lumin Buna trupi i vajzës 9-vjeçare ndërsa mungojnë nëna dhe dy fëmijët e tjerë. ©LAPSI.al
LEXO EDHE: Akt çmendurie në Shkodër/ Nëna mbyt në lumë tre fëmijët e mitur
Zhdukja e nënës me 3 fëmijët/ Sherret në familje dhe kafja e fundit e 39-vjeçares
