Hailey Bieber është shtatzënë me fëmijën e saj të parë me Justin Bieber.
Çifti ndau lajmin emocionues përmes Instagramit të enjten pasi rinovuan betimet e tyre në Hawaii. Në imazhet, këngëtari i "Peaches" mund të shihet duke shkrepur fotot e nuses së tij teksa ajo pozonte me një fustan të bardhë dantelle Saint Laurent me një vello të ngjashme.
Modelja 27-vjeçare, e cila mbante syze dielli të zeza në disa nga fotot, përkëdhelte barkun e saj në rritje teksa qëndronte në mes të një fushe me bar.
Ka pasur shumë spekulime për shtatzëninë rreth Biebers që nga korriku 2023, kur një video e çiftit duke u shoqëruar me miqtë u bë virale. “E di që je shtatzënë, por…” tha një mik në pamjet e paparacëve përpara se Justin, 30 vjeç, të qetësonte grupin.
Që kur modelja u martua me fituesin e Grammy-t në shtator 2018, ajo ka reaguar në disa raste për thashethemet e shtatzënisë.
Në prill të vitit 2022, Hailey mohoi spekulimet se është në pritje të ëmbël, pasi pozoi në tapetin e kuq të Grammy. “Nuk jam shtatzënë më lini të qetë”, shkroi ajo në Instagram në atë kohë.
Muajin pasardhës, modelja u shpreh për Sunday Times se sa e "frikësuar" ishte të bëhej nënë. Megjithatë, ajo vuri në dukje se donte një fëmijë.
