Belinda Balluku ka shkuar në SPAK dhe është pyetur për 3 orë për aferën e inceneratorit të Tiranës. Ajo kërkoi të ndahet puna e ndershme nga abuzimi, deklarata këto që ngjajnë si shigjeta kundër Erion Veliajt, i cili ishte gjithashtu dy javë më parë në SPAK për këtë dosje. Por ndryshe nga Balluku, Veliaj qëndroi për plot 7 orë në SPAK pasi kishte edhe çështje të tjera, sic është dosja e aferës me kompaninë "5D" të drejtorëve të tij.
“Ishte një thirrje për dosjen 255, që është dosja e inceneratorit të Tiranës. Duhet të jepja disa sqarime që besoj të kenë shërbyer në zbardhjen e kësaj dosje. Kjo është ndarja e vërtetët e pushteteve. Qeveria ka punën e saj, parlamenti ka punën e tij dhe drejtësia ka punën e saj dhe ne jemi këtu për ta mbështetur. Kjo është një dosje që ka bërë pis të madh e të vogël dhe ka ardhur koha të zbardhet, për të ndarë njëherë e mire të mirën nga e keqja, punën e ndershme nga abuzimi i pafalshëm”, tha Balluku.
