Janë zbardhur tre emrat e ish-efektivëve të Policisë së Shtetit, për të cilët SPAK ka lëshuar urdhër arreste në kuadër të operacionit të sotëm. Në kërkim janë shpallur Erigert Mitri, i cili më herët ka pasur pozicionin drejtues i Policisë Lezhë, ish-efektivi Klodian Jashari dhe Altin Morina, ish-efektiv i RENEA.
Rreth 50 urdhër arreste raportohet se janë lëdhuar nga SPAK, ndërsa nuk ka ende asnjë njoftim zyrtar. Urdhër arrestet janë lëshuar për personat që akuzohen si të implikuar në ngjarje të rënda që përfshijnë vrasje, apo organizata kriminale. Ndërkohë raportohet se i gjithë operacioni është vazhdimësi e hetimeve për të shumëkërkuarin Ervis Martinaj, fati i të cilit vijon të jetë mister.
