Rastësitë në futboll sigurisht që ekzistojnë, ashtu si fati i keq dhe bestytnitë. Nëse në fushë thonë se topi është i rrumbullakët dhe gjithçka mund të ndodhë, edhe jashtë fushës rregulli duket se është gjithmonë i njëjtë. Massimiliano Allegri duket se di diçka për këtë, duke pasur parasysh “historinë” që është përsëritur.
E PREMTE 17, DATA TERS PËR MASSIMILIANO ALLEGRI
E premtja 17 është një ditë që ndan popullsinë. Ka nga ata që e konsiderojnë atë një ditë fatale për shkak të këtij kombinimi të ditës dhe numrit. E ka nga ata që nuk i interesojnë besëtytnitë. E sigurtë, megjithatë, se për Massimiliano Allegri është një kombinim armiqësor.
Lexo më tej: E bujshme, Juventus shkarkon teknikun Allegri me efekt të menjëhershëm: "Sjellje jo në vlerat e klubit"
Sot tekniku u shkarkua nga Juventus me efekt të menjëhershëm, pavarësisht se fitoi Kupën e Italisë të pesëmbëdhjetë në historinë e klubit. Kjo fitore dhe arritja e një vendi në Champions League nuk ishin të mjaftueshëm. Të shumta tensionet me drejtuesit dhe një sjellje në fund të ndeshjes ndaj Atalantës që nuk i pëlqeu askujt.
E PREMTE 17, SI 5 VJET MË PARË
Është hera e dytë që Juventus shkarkon Massimiliano Allegrin. 5 vite më parë pati të njëjtin fund historia mes dy palëve. Dhe merreni me mend? Edhe atëherë shkarkimi rastisi të premten e datës 17. Koinçidencë, fat i keq, besëtytni, quajeni si të doni: fakti është se për ish-teknikun bardhezi është një përvjetor për t'u harruar.
