Disa persona të armatosur kanë grabitur një argjendari në Paris. Mediat vendase thanë se objektivi ishte butiku ekskluziv "Harry Winston", i njohur ndryshe si “argjendaria e yjeve”. Policia e Parisit tha se grabitësit e armatosur erdhën dhe u larguan me motoçikleta. Ata qëlluan një herë brenda argjendarisë, por fatmirësisht nga e shtëna nuk pati viktima.
Prokuroria e Parisit tha se po heton për grabitjen e ndodhur, por nuk mund të konfirmonin bizhuteri të vjedhura apo vlerën në të cilën arrinin ato. Kjo nuk është hera e parë që grabitet kjo argjendari luksoze. Tetë njerëz janë burgosur në vitin 2015 në lidhje me një grabitje spaktakolare të vitit 2008 kur tre burra të armatosur vodhën këtu bizhuteri në vlerën 90 milionë dollarë.
