Në muzikë, Bes Kallaku do të mbetur përherë një emër eksperimental. Jo më kot, në këngën më të fundit ku është pjesë, "Mosmirënjohja" peshën kryesore e mban këngëtarja Eli Malaj. Veç dy vargje që i ka shkruar vetë, Bes Kallaku ka dashur t'i lëshojë vetë në formën e një britme, nga ku ndjehet dhimbja për fundin e një martese të gjatë me Xhensila Myrtezajn.
"Nga mosmirënjohja unë ta ktheva shpinën/ A do mbash mëkatin, a do më bësh viktimën?" dëgjohet të thërrasë Bes Kallaku me dy vargje që bien si shigjeta me helm për ish-bashkëshorten, Xhensila Myrtzajn, këngëtaren që në këto kohë është më e zënë se asnjëherë tjetër me prenotime brenda dhe jashtë vendit.
Çifti nuk ka folur asnjëherë për arsyet e vërteta të ndarjes, megjithë spekulimet e shumta që janë bërë në media. Por nga teksti kuptohet se Bes Kallaku ka dashur t'i çojë një mesazh ish-bashkëshortes, të cilës në tekst i kujton edhe "peshën e turpit".
https://www.youtube.com/watch?v=8mO6--ZkO9s
Kënga është kthyer menjëherë në trend në rrjetet sociale, ndërsa ka gati 2 milion klikime në 48 orë në Youtube.
