Juventus mbyll kampionatin e Serie A duke fituar 2-0 ndaj Monza, në javën e 38 e të fundit. Në Allianz Stadium, të besuarit e teknikut Montero e zgjidhën problemin që në pjesën e parë. Dy gola të shpejtë që fundosën skuadrën e Palladinos. Në minutën e 17' ishte Chiesa që kaloi në epërsi bardhezinjtë, më pas Alex Sandro (28') shënoi të dytin pas një asisti nga këndi i të rikthyerit nga pezullimi, Fagioli. Juventus u ndal edhe nga shtyllat në konkluzionet e Fagioli dhe Chiesa, por falënderoi Pinsoglio që ishte protagonist në pjesën e dytë me dy super pritje ndaj Birindelli dhe Djuric. Bardhezinjtë, të cilët e mbyllën sezonin me 71 pikë, vlejnë për momentin, në pritje të dy ndeshjeve të Atalantës, vendin e tretë. Nga ana tjetër, Monza me 45 pikë është e sigurt për vendin e 12-të.
Juventus e mbyll kampionatin me fitore. Ndaj Monza, në Allianz, vendosën golat e Chiesa dhe Alex Sandro, në ndeshjen e tij të fundit bardhezi. Braziliani shënoi në pjesën e parë dhe më pas u largua i përlotur, i duartrokitur nga tifozët e tij. Largohet nga klubi në fund të kontratës së tij pas 9 vitesh. Te Juventus, Pinsoglio, portieri i tretë, ishte protagonist me të paktën tre pritje vendimtare. Për tu përmendur edhe ndeshja e shkëlqyer e Fagioli. Mesfushori, i cili hyri në listën paraprake të teknikut Spalletti për Kampionatin Europian, dha asist për Alex Sandro nga goditja e këndit. Edhe Chiesa bëri mirë, duke shënuar një gol të mrekullueshëm. Juventus i rikthehet fitores pas 5 barazimeve radhazi dhe e mbyll kampionatin me 71 pikë, ndërsa Monza mbetet në 45. Në finale Palladino mbeti me 10 lojtarë, pas kartonit të kuq për Zerbin.
