Në kohën kur Steven Zhang e lojtarët e Inter këmbejnë sinjale vlerësimi e respekti me njëri-tjetrin dhe tifozët zikaltër e adhurojnë figurën e presidentit të titullit të 20, ka ardhur një sulm i papritur nga drejtori i Corriere dello Sport Ivan Zazzaroni. Në editorialin e tij, Zazzaroni shkatërron ish-presidentin e Inter Steven Zhang.
Kundërpërgjigja e drejtorit të Corriere erdhi pas letrës së Zhang drejtuar botës zikaltër. Ja çfarë shkruan Zazzaroni në editorialin e tij në Corriere dello Sport.
Lexo më tej: "Nuk isha gati për lamtumirën": letra e Zhang për Inter e pastaj mesazhi për Oaktree
E lexova letrën e Zhang drejtuar tifozëve jo një herë, por dy herë. E pranoj që nuk derdha asnjë lot. Steven shkruan “Nuk isha gati të largohesha nga Inter”. I kujtoj se Oaktree kishte tre vjet që ishte gati për ta marrë. Ditë më parë eksperti i madh Alessandro Giudice më shpjegoi se ishin të gjithë elementët për të krijuar një serial Netflix. Subjekti, një gjigant i bazuar ekskluzivisht në kreditë e lehta, të marra nëpërmjet sistemit të favorizimit të brendshëm të Partisë Komuniste Kineze, përhapet në të gjithë botën. Me dy fjalë - dhe askush të mos ofendohet - një deklinim i veçantë i skemës Ponzi (*) i zgjidhur me eutanazinë financiare. Kush e di se si do të sillet Oaktree? Megjithatë, nëse do të isha interist, do të ndihesha pak më i qetë. Pothuajse i sigurtë".
