Socialistët nuk humbasin kohë. Pas votimit të rezolutës në Parlament, do të vijojmë me ngritjen e Komisionit të Posaçëm.
Në seancën e kësaj të enjte është përfshirë në rendin e ditës edhe projektvendimi “Për ngritjen e Komisionit të Posaçëm për Thellimin e Reformave për Mirëqeverisjen, Sundimin e Ligjit dhe Antikorrupsionin për Shqipërinë 2030 në Bashkimin Europian”.
Nuk dihet nëse do të miratohen edhe anëtarët apo drejtuesi i komisionit. Deri më tani emri më i mundshëm që është përfolur për ta drejtuar është deputeti Fatmir Xhafa. Ish-ministri i Brendshëm i larguar nga Rama në mënyrë okulte pritet të rikthehet në krye të një komisioni, që në një pjesë të opinionit shihet gjerësisht si komisioni anti-SPAK. ©LAPSI.al
