Tre fitore 2-0 dhe mund të kishte qenë e katërta, nëse Muçi nuk do të kishte shënuar edhe golin e tretë kundër Lihtenshtejnit. Kombëtarja e Shqipërisë u imponua 3-0 në miqësoren e parë të qershorit, që paraprin kampionatin Europian. Në Haladas Sportkomplexum, vendosën nga e shënuar nga Broja, Asani e Muçi, që e kthyen ndeshjen në një seancë stërvitore, pas së cilës vëmendja përqendrohet te Azerbaixhani.
BROJA E ASANI MARRIN SKENËN
Ashtu si pritej, Sylvinho ndryshoi diçka mes titullarëve, duke nisur nga minuta e parë me Brojën, Asanin e Asllanin, që i kanë të nevojshme minutat në këmbë. Edhe prapavija ishte e ridizenjuar, me Ajetin që u vendos në krah të Ismajlit (në mungesë të Gjimshitit), ndërsa Balliu mori vendin e Hysajt në krahun e djathtë. Kuqezinjtë sidoqoftë e morën ngadalë ritmin, me testet e para që i bëri Asllani në minutën e 15’: vetëm rrjetën e jashtme për të, ndërsa Hoxha e Asani impenjuan, por jo sa duhet portierin e Lihtenshtejnit Ospelt. Për të zgjidhur ndeshjen mendoi naiviteti i prapavijës së Lihtenshteinit, të pakujdesshëm në nisjen e papritur të lojës nga Bajrami. Pasimi nga goditja e dënimit i dha mundësinë qendersulmuesit Broja të shënonte qetësisht golin e avantazhit. Goli i 5 me kombëtaren për shkodranin dhe shumë i rëndësishëm për qendërsulmuesin në këndvështrimin e Euro 2024.
[video width="644" height="360" mp4="https://cdnimpuls.com/lapsi.al/wp-content/uploads/2024/06/665e0c8b2e75d.mp4"][/video]
MUÇI I VË VULËN
Braziliani ndryshoi kartat në pjesën e dytë për ti dhënë minuta edhe lojtarëve si Muçi, Laçi e Mihaj, por për ta siguruar se ndeshja ishte nën kontroll mendoi Asani. Ish-sulmuesi i Partizanit bëri 2-0 në minutën e 47’ me një goditje perfekte dënimi. Goli i 4 me kombëtaren për Asanin, pas tre rrjetave të tundura në kualifikuese.
[video width="644" height="360" mp4="https://cdnimpuls.com/lapsi.al/wp-content/uploads/2024/06/665e1439afbd6-2-1.mp4"][/video]
Lexo më tej: Italia e mallkimi i dëmtimeve, Sylvinho fërkon duart: Spalletti thërret zyrtarisht juventinin Gatti
Kundërshtarët nuk bënë asnjë goditje në portën, duke e patur të vështirë madje të bënin tre pasime radhazi dhe Muçi atëherë bëri 3-0 në minutën e 67’, duke përfituar nga topi i kthyer nga shtylla, pas goditjes së Asanit. Sylvinho mund të jetë i kënaqur e tani vëmendja spostohet të Azerbaixhani, në datën 7 qershor, po në Hungari në Haladas Sportkomplexum.
[video width="644" height="360" mp4="https://cdnimpuls.com/lapsi.al/wp-content/uploads/2024/06/665e18bb00f33.mp4"][/video]
