Të shtëna me armë zjarri janë regjistruar mbrëmjen e kësaj të diele në qytetin e Shkodrës. Për pasojë, Ndue Preka ka mbetur i plagosur. Ngjarja ka ndodhur në lagjen “Mark Lula” në orën 22:30.
I plagosuri po lëvizte më këmbë kur është qëlluar nga persona të paidentifikuar. Preka mësohet se ësht qëlluar 3-4 herë me pistoletë, por vetëm një plumb e ka kapur, teksa një tjetër ka kapur edhe një makinë të parkuar. Pasi mori ndihmën mjekësore, 30-vjeçari Preka është shoqëruar në komisariat për sqarimin e rrethanave.
