Një oficer francez është duke u marrë në pyetje, pasi një 19-vjeçar dyshohet se u qëllua për vdekje teksa u përpoq të ikte nga një ndalesë trafiku për shkak të shpejtësisë.
"Viktima ishte mes tre personave në makinë kur policia u përpoq t’i ndalonte pranë Cherbourg-en-Cotentin në Normandi, Franca perëndimore të dielën vonë," tha prokurori i shtetit Pierre-Yves Marot në një deklaratë.
Shoferi dyshohet se refuzoi të ndalonte dhe vazhdoi të ngiste makinën, përpara se të ndalohej nga një makinë e dytë e policisë. Të tre pasagjerët e mjetit më pas tentuan të largoheshin në këmbë.
Njëri u arratis, një tjetër u ndalua dhe një tjetër dyshohet se u qëllua nga një oficer në gjoks. Personi i tretë, një 19-vjeçar nga Cherbourg-en-Cotentin, u përball me oficerët e patrullës së dytë dhe u përplas me njërin prej tyre ndërsa përpiqej të ikte. Oficeri më pas përdori një armë trullosëse ndërsa një koleg përdori armën e shërbimit, duke e goditur për vdekje në gjoks”,tha zyra e prokurorit.
Oficeri po mbahet për tu marrë në pyetje mbrëmjen e së hënës nga departamenti i punëve të brendshme të rregullatorit policor IGPN. Ngjarja vjen pothuajse një vit pasi trazira intensive dhe të përhapura përfshinë Francën pas vrasjes së një 17-vjeçari gjatë një ndalese trafiku në periferinë e Parisit, Nanterre.
