Miley Cyrus po tregohet e sinqertë për marrëdhënien e ndërlikuar që ka me babain e saj, Billy Ray Cyrus.
Gjatë një interviste me David Letterman për episodin më të ri të serialit të tij Netflix My Next Guest Needs No Introduction, këngëtarja fituese e Grammy "Flowers" diskutoi gjërat e mira dhe të këqija që ajo ka mësuar nga Billy Ray.
“Ai gjithashtu më mësoi që të jem me këmbë në tokë dhe që të jem e vërtetë. Gjithmonë ka bërë të njëjtën gjë, edhe pse ka qenë super i famshëm”, tha Miley.
Ajo shtoi se gjatë fëmijërisë së saj, kanë folur për periudhat e vështira dhe sfidat që kanë përjetuar. “Por, kam pasur ushqim, dashuri, jam rritur në një shtëpi të bukur dhe të madh dhe im atë nuk i ka pasur të gjitha këto”, vijoi këngëtarja. “Narcisizmin e kam trashëguar nga babai im”.
Komentet e saj vijnë mes një përçarjeje të përfolur familjare që dyshohet se filloi menjëherë pasi Tish, bëri kërkesë për divorc nga Billy Ray në prill 2022.
Të dy vazhduan jo shumë kohë pas kësaj, Tish u martua me Dominic Purcell në gusht 2023. Billy Ray u martuame Firerose në tetor 2023, megjithëse ai bëri kërkesë për divorc nga këngëtarja më 22 maj.
Mes divorcit të prindërve të tyre, vëllezërit e motrat Cyrus dukej se mbanin anë. Miley, Brandi, 37 dhe Trace, 35 vjeç, ishin të gjithë në dasmën e Tish, por Braison, 30 dhe Noah, 24, nuk ishin të pranishëm.
Një burim i tha PEOPLE në shkurt se Noah, ka qenë "shumë besnik ndaj Billy Ray" pas divorcit të tij. Një person i brendshëm zbuloi më vonë se Noah po takohej me Purcell, përpara se nëna e saj të martohej me të, gjë që mund të ketë kontribuar në tension.
Në shkurt, kur Miley fitoi Grammy-n e saj për rekordin e vitit, ajo nuk e përmendi të atin në fjalimin e pranimit në ceremoni, ku shoqërohej nga Tish dhe Brandi. "Unë nuk mendoj se kam harruar askënd," tha ajo pasi falenderoi nënën, motrën dhe "dashurinë" e saj Maxx Morando. "Por unë mund të kisha harruar të brendshmet. Mirupafshim!"
