Një 41-vjeçar është arrestuar për shkak se ka goditur punonjësin e shërbimit pyjor. Ngjarja ka ndodhur në Prrenjas, e ndërsa i janë vënë prangat 41-vjeçarit V. Rr..
Mësohet se ka qenë vetë punonjësi i shërbimit pyjor që ka bërë denoncimin për 41-vjeçarin, ngjarje kjo e regjistruar një ditë më pas. Pas denoncimit, policia ka bërë në banesën e 41-vjeçarit, ku u gjetën 400 litra naftë dhe 140 litra vaj lubrifikant për mjete, të dyshuara të kontrabanduara.
“Goditi me grushte, për shkak të detyrës, punonjësin e shërbimit pyjor, ndalohet 41-vjeçari. Gjatë kontrollit në banesën e tij, Policia gjeti dhe sekuestroi mallra të dyshuara të kontrabanduara.
Seksioni për Hetimin e Krimeve Ekonomike dhe Financiare i DVP Elbasan, në bashkëpunim me Komisariatin e Policisë Librazhd, vunë në pranga shtetasin V. Rr., 41 vjeç, banues në Prrenjas.
Ndalimi i 41-vjeçarit u bë pas kallëzimit të një punonjësi të shërbimit pyjor, në bashkinë Prrenjas, se më datë 13.06.2024, ky shtetas e kishte goditur me grushte, për shkak të detyrës.
Në vijim të veprimeve policore për këtë rast, u kryen kontrolle në banesën e 41-vjeçarit, ku u gjetën 400 litra naftë dhe 140 litra vaj lubrifikant për mjete, të dyshuara të kontrabanduara.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprat penale "Goditjet për shkak të detyrës", "Kontrabanda e mallrave që paguhet akcizë" dhe "Ruajtja apo depozitimi i mallrave kontrabandë", njofton policia.
