Firerose ka akuzuar Billy Ray Cyrus për abuzim në familje në një përgjigje ndaj kërkesës së tij për divorc.
Në kundër-ankesën e këngëtares, e cila u sigurua nga People të martën, ajo akuzoi burrin e saj të larguar për sjellje "të paparashikueshme dhe të paqëndrueshme" që barazohej me "abuzimin ekstrem verbal, emocional dhe psikologjik".
Dokumentet e saj gjyqësore, pretendonin se sjellja e tij ishte ndikuar nga "përdorimi i vazhdueshëm i dr0gës i shoqëruar me konsumimin e marihuanës". Në një pjesë tjetër të dosjes së saj, Firerose tha se ajo kishte frikë ndërsa afrohej data e mastektomisë së saj të dyfishtë parandaluese.
“Me afrimin e datës së operacionit, ajo kishte frikë të largohej ose të kërkonte ndonjë lloj ndihme sepse kishte frikë se burri do të ndërhynte në operacionin e saj ose në rikuperimin e saj të gjatë në shtëpi”, thuhej në dosjen e saj. Cyrus, dyshohet se i dha Firerose letrat e divorcit më pak se 24 orë para operacionit të saj.
Megjithatë, ai hodhi poshtë pretendime të tilla - dhe tha se Firerose është ende çmendurisht e dashuruar me të - përmes përfaqësuesit të tij në një deklaratë për Page Six.
“Na vjen keq që znj. Hodges ka zgjedhur të diskutojë këtë martesë 7-mujore në shtyp dhe e ka lënë z. Cyrus pa zgjidhje tjetër veçse të zbulojë të vërtetën,” filloi deklarata.
“Akuzat që zonja Hodges deklaron në përgjigjen dhe kundër-ankesën e saj janë veçanërisht konfuze dhe të dyshimta në vërtetësinë e saj. Kur z. Cyrus u kthye në shtëpinë e tij 2 ditë pasi zonjës Hodges iu kërkua, me urdhër të gjykatës, të lironte rezidencën e tij prej mbi 25 vitesh , ai zbuloi një shënim të shkruar me dorë nga zonja Hodges që shprehte dashurinë dhe nevojën e saj për të qenë me zotin Cyrus.”
