Rivali i Arben Ndokës, ish-deputetit të Partisë Socialiste në Lezhë, Durim Bami është lokalizuar menjëherë sapo u arratis nga Shqipëria. Ai është në Emiratet e Bashkuara Arabe, është arrestuar atje dhe kërkohet me ngulm të ekstradohet nga qeveria shqiptare.
Kur kanë kaluar vetëm pak ditë nga arrestimi i tij, që u njoftua përmes Interpol Abu DaBIT, SPAK bëhet me dije se i përcolli shkresat Ministrisë së Drejtësisë, si institucioni kompetent që kryen përkthimin e dosjes dhe u jep rrugë letërporosive.
Bami, cili rezultoi se ishte i shumëkërkuar edhe nga grupet kriminale që ofronin 1 milion euro për jetën e tij, dyshohet se u përpoq të vriste ish deputetin Arben Ndoka, Tori Xheçukën dhe Erigers Migasin.
Ndërkohë, ai kultivonte drogë i mbështetur nga një ish-oficer i RENEA-s. Ekstradimi nga Dubai mbetet një mision i pamundur, por Shqipëria shpreson ta sjellë Bamin përmes marrëdhënies reciproke me Abu Dabin, ku të dyja vendet kanë shkëmbyer persona të kërkuar.
