Kombëtarja shqiptare U-20 do të marrë pjesë në turneun e veçantë në Arabinë Saudite që do të zhvillohet në datat 25 qershor – 5 korrik. Shqipëria në fakt është skuadra e vetme europiane në turneun e Lindjes së Mesmë. Trajneri Alban Bushi ka shpallur edhe listën me emrat e 20 lojtarëve të ftuar për turneun që do të zhvillohet në Arabinë Saudite. 12 lojtarë vijnë nga klubet e kampionatit shqiptar, kurse pjesa tjetër aktivizohen në kampionatet jashtë vendit.
Në këtë turne pjesëmarrës përveç Shqipërisë do të jenë edhe 11 vende arabe; Emiratet e Bashkuara Arabe, Arabia Saudite, Jordania, Kuvajti, Jemeni, Libani, Palestina, Iraku, Siria, Bahraini dhe Omani.
Lexo më tej: "Fetai si Modric". Alban Bushi paralajmëron Finlandën dhe Zvicrën: "Ndeshja e jetës, duam Europianin"
Ekipi i drejtuar nga Alban Bushi do të udhëtojë drejt Arabisë Saudite më datë 22 qershor. Në këtë turne Shqipëria është pozicionuar në grup B së bashku me Libanin, Irakun dhe Jordaninë. Kuqezinjtë do të luajnë ndeshjen e parë më datë 26 qershor ndaj Libanit, ndërsa dy ditë më pas më datë 28 qershor do të përballen me Irakun. Sfida e fundit e Shqipërisë U-20 në grup do të jetë ndaj Jordanisë më datë 30 qershor. Më pas do të nisë faza me eliminim direkt deri në sfidën finale që do të luhet më datë 5 korrik.
